Përshkrimi

Autorja, që do të shndërrohej më pas në damën e njohur të Nohantit, nuk ishte asokohe veçse një grua e re, e cila përtypte me kurajë vetminë, pas një martese të dështuar dhe disa aventurash, sa të flakta aq edhe zhgënjyese. Indiana krijoi Zhorzh Sandin; përmes këtij shkrimi, edhe vetë kjo e fundit ia doli të zërë kufijtë e lirisë, të fitojë dinjitetin si grua, madje të krijojë identitetin vetjak. “Çështja që mbroja, do të thoshte kjo më pas, ishte ajo e gjysmës së gjirisë njerëzore, madje e llojit njerëzor në tërësi, ngaqë fatkeqësia e gruas tërheq me vete atë të burrit po njëlloj siç ajo e skllavit tërheq atë të të zot.” Apo: “Unë e shkrova Indianën me një ndijim jo fort të arsyeshëm, po të thellë dhe legjitim, për hir të padrejtësisë dhe barbarisë së ligjeve, të cilat qeverisin ende jetën e femrës në martesë, në familje e në shoqëri.”