Nuk ka produkte
Përshkrimi
Guillaume Musso firmos një thriller tërheqës dhe joshës, të bartur nga personazhe tejet njerëzorë. Një zhytje marramendëse në botën misterioze të krijimit. “Arti është një gënjeshtër që thotë të vërtetën…”
30 produkte te tjere ne te njejten kategori:
Përshkrimi
Paris, një studio artisti e fshehur në fund të një rrugice të gjelbëruar. Medlina e ka marrë me qira për të pushuar dhe për t’u izoluar. Si pasojë e një gabimi, policja e re e Londrës takohet atje me Gasparin, një shkrimtar mizantrop i ardhur nga Shtetet e Bashkuara për të shkruar në vetmi. Të dy këta, që gati nuk e shqyejnë njëri-tjetrin, detyrohen të bashkëjetojnë disa ditë.
Studio i përkiste piktorit të famshëm Sin Lorenz dhe ende në të ndihet pasioni i tij për ngjyrat dhe dritën. I dërrmuar nga vrasja e djalit të tij të vogël, Lorenzi vdes një vit më parë, duke lënë pas tri piktura, që tani mungojnë. Të magjepsur nga gjenia e tij, të intriguar nga fati i tij i llahtarshëm, Medlina dhe Gaspari vendosin të bashkojnë forcat për t’i gjetur këto piktura që me sa duket janë të jashtëzakonshme.
Por, për të zbuluar të fshehtën e Sin Lorenzit, ata do të duhet të përballen me demonët e tyre në një hetim tragjik, që do t’i ndryshojë përgjithmonë.
“Teknikisht i arrirë, nga pikëpamje rrëfimtare i gjetur, ky libër tërheqës është në hullinë e Harlan Coben-it dhe Jesse Kellerman-it.”
MICHEL DUFKANNE – RTBF
“Një intrigë që të mban pa frymë deri në faqen e fundit.”
MARINA CARRÈRE D’ENCAUSSE – FRANCE 5
“Guillaume Musso konfirmon me një mjeshtëri djallëzore kthimin e librave policorë të trajtuar në romanet e tij të fundit. Një intrigë e përkryer.”
– BERNARD LEHUT, RTL
“Një thriller emocionues, i shkruar me shumë sqimë.”
– PHILIPPE VALLET, INFO FRANCE
“Një ankth i padurueshëm! Sa lexon faqen e parë, nuk e heq dot nga dora. Net të bardha pasojnë...”
– MARC Fernandez, Metroneës
“Një thriller marramendës. Edhe një herë, Musso të çorienton dhe të mrekullon.”
– PIERRE VAVASSEUR, Le Parisien
“Krijon po aq varësi sa seritë televizive të mëdha amerikane. Duhet lexuar urgjentisht!”
– VALÉRIE LOCTIN, Magazine des Livres
“Një thriller që nuk i ka fare zili mjeshtrit amerikanë të zhanrit. Befasues dhe tronditës.”
– ALAIN JEAN-ROBERT, AFP
“Psikologji e përpunuar me kujdes të veçantë.”
– DIDIER JACOB, l’Obs
“Një nga romanet më ambicioz të tij.”
“Një hetim intensiv dhe i ftohtë, tërheqës dhe diabolik.”
– MARIE-FRANCE BORNAIS, Le journal de Québec
